ნინო გულეიშვილმა მომხმარებელთა უფლებების დაცვის საერთაშორისო კვირეულის ფარგლებში გამართულ პანელური დისკუსიის დროს ისაუბრა ენერგეტიკის სექტორში მომხმარებელთა სამართლებრივ უფლებებზე
მომხმარებელთა ინტერესების საზოგადოებრივი დამცველის მოვალეობის შემსრულებელმა (ენერგოომბუდსმენმა) , ნინო გულეიშვილმა მომხმარებელთა უფლებების დაცვის საერთაშორისო კვირეულის ფარგლებში გამართულ პანელური დისკუსიის დროს ისაუბრა ენერგეტიკის სექტორში მომხმარებელთა სამართლებრივ უფლებებზე.
საპანელო დისკუსიის დროს ექვსი მარეგულირებელი უწყების - სემეკის, კონკურენციისა და მომხმარებლის დაცვის სააგენტოს, კომუნიკაციების კომისიის, ეროვნული ბანკის, დაზღვევის სახელმწიფო ზედამხედველობის სამსახურისა და სურსათის ეროვნული სააგენტოს წარმომადგენლებმა მომხმარებელთა დაცვის კუთხით 2024 წლის ანგარიში წარადგინეს და არსებულ გამოწვევებზე ისაუბრეს. მომხმარებელთა უფლებების დაცვის III საერთაშორისო კვირეულის მიზანია მომხმარებელთა უფლებების დაცვის მექანიზმების გაუმჯობესება
საზოგადოებრივი დამცველის სამსახურმა 2024 განიხილა 607 განცხადება. სატელეფონო შეტყობინების საფუძველზე შედგა 144 ოქმი, ასევე კონსულტაცია გაეწია 1500-დე მოქალაქეს. გაუქმდა მომხმარებლებზე უსაფუძვლოდ დარიცხული 174619.06 ლარი.
მომხმარებელთა ცნობიერების ამაღლების მიზნით სამსახურმა განახორციელა რეგიონული აქტივობები, 20-ზე მეტი ვიზიტი ქალაქებსა და სოფლებში, სადაც სამართლებრივი კონსულტაცია გაეწია მოსახლეობას და ადგილობრივითვითმმართველობის წარმომადგენლებს.
